Ordnungh belangen Vngeltere

Vnnd dero ambt vnd Vffsehung Inn

der Statt St: Wendel

03

(fol. 3 r)

Demnach durch underschiedtliche den Vnderthannen

04

Im Ambt St: Wendel vorbrachte Clagen, In Wein-

05

Scjanckh allerhandt Vnordnung der Wuyrdt wie auch

06

Vnnfleiß der Vngelteren, Inn auffachtung derselben

07

gespuert vnd vermerckt wirdt, Sonderlich, Inn dem

08

das nit allein Zue nachtheil des armen Gemeinen Mans

09

Sonnder auch der herrschafft Vngelts halber Zu schaden,

10

etwa einsmals Zwey oder dreyerley wein In vnd-

11

schiedlichem vnnd vngleichem einkauff eingelegt vnd ver-

12

zapfft werden, Dardurch etwan auch gezenckh vnndt

13

hader zwischen Wuyrthen, vnd den Jehnigen, denen auff-

14

sehens Zuhaben obliegt verursacht wirt, Damit

15

nun dißfals gut auffsehens getragen, gute Löbliche alte

16

Policy Vnnd Ordnung Zue Gemeinem nutz geproibt vnndt

17

Jedem Kunfftigen Vngeltern Vnd besehern der Statt St:

18

Wendel mit sonderlichem ernst auch bey vnnachlessiger straff

19

aufferlegt vnd befohlenn sein Embsigenn fleiß Vnndt Zu

20

Vielen maln, nit allein bey den Wuyrthen, das sie sich

21

Vor schenckungh, Zweyerley weins verhüethen, Im

22

Verkauff vnd einlegungh desselben, Wahrhaffte ann-

23

zeig thuen, Auch in einem vnd anderm keine vnrichtigkeit

24

begehen, Sonder auch bey Beckern Vnd Metzgern, das

25

sie Im Gewicht In vnd außuerkauff sich [vnd] vnfehl-

26

bar finden laßen, auch Jederzeits Brot vnd fleisch

27

das vber keinen Mangel geclagt werde, Im Vorrath

28

haben Zu sehen vnd auffachtung nehmen, dan da

29

hienfurter an obgl. Wuyrthen, Beckern, Vnd Metzgern,

30

(fol. 3 v)

Einicher betruig fel vnrichtigkeit auch mangel an wein,

01

Brot, vnnd fleisch, vurlauffen vnd befonden wurde, Alß

02

Denn nit allein dieselbe vbertrettter, Sonder auch die vn-

03

gelter (wann es durch Ihr farlessigs Zusehen Ver

04

Vrsacht oder sie auch der vbertrettung wissens gehatt

05

Vnd der Obrigkeit nit angezeigt hethen) in hoher

06

straff stehen Vnd darzu vnnachlessig angehalten werden

07

sollen Warnach dan sich ein Jeder Zugerichtenn,

08

Vnd vor straff Zuuerhueten hat  Signatum den 12 Marty

09

Anno 1597. Also vnderschrieben,

10

Herman Quadt zu Landtskron  Ambtman Zu St: wendel

11